PAGAL LARKI !

PAGAL LARKI !

Meri Ankhon k Samandar Mein Jalan Kesi Hai
Aaj Phir Dil Ko Tarapny Ki Lagan Kesi Hai,

Ab kisi Chhat Pe Charagon Ki Qataarain Bhi Nahin
Ab Tere Shehar Ki Galiyon Mein Ghutan Kesi Hai,

Baraf K Roop Mein Dhal Jaein Gy Saary Rishty
Mujh Se Poochho Muhabbat Ki Agan Kesi Hai,

Mein Tere Wisaal Ki Khuwahish Ko Na Marny Doon Ga
Mausam-E-Hijar K Lehje Mein Thakan Kesi Hai,

Regzaron Mein Jo Banti Rahi Kanton Ki Rida
Us Ki Majboor Si Aankhon Mein Kiran Kesi Hai,

Mujhe Masoom Si Pagal Larki Pe Taras Ataa Hai
Usy Dekho To Muhabbat Mein Magan Kesi Hai !

--

Her Simt Gham E Hijr K Tufan Hein Mohsin

Her Simt Gham E Hijr K Tufan Hein Mohsin

Her Simt Gham E Hijr K Tufan Hein Mohsin
Mat Pooch K Hum Kitney Preshan Hein Mohsin
 
Her Chehra Nazer Aata Hai Tasveer Ki Soorat
Hum Sheher K Logon Se Bhi Anjan Hein Mohsin

Jis Sheher E Mohabbat Ne Hamein Loot Liya Hai
Us Sheher Se Ab Kooch K Imkan Hein Ab Mohsin

Kashti Abhi Umeed Ki Doobi To Nahi Hai
Phir Kyun Teri Aankhon Mein Yeh Tufan Hein Mohsin

Ker Inka Adab Rakh Inhein Seeney Se Laga Ker
Yeh Dard Yeh Tanhaiyan Mehman Hein Mohsin

___________________________________________________

Masoom Mohabbat Ka Bas Itna Fasana Hai
Kagaz Ki Haveli Hai Baarish Ka Zamaana Hai
Kya Sharte Mohabbat Hai Kya Sharte Zamaana Hai
Aawaz Bhi Zakhmi Hai Aur Geet Bhi Gaana Hai
Uss Paar Uterne Ki Ummeed Bahot Kam Hai
Kashti Bhi Purani Hai Tufaan Ko Bhi Aana Hai
Samjhe Ya Na Samjhe Wo Andaaz Mohabbat Ke
Ek Shaks Ko Aakhon Se Dil Ka Sara Dard Sunana Hai
Bholi Si Ada Koie Phir Ishq Ki Zid Per Hai
Phir Aag Ka Dariya Hai Aur Doob Ke Jana Hai

--
"

Honey they jitne khel muqadar k

--------- 

 

 

Honey the jitne khel muqadar k ho gaye,
hum tooti nao leke samunder ke ho gaye,
khusbu mere haath ko chu kar chali gayi,
hum phool sabko baant kar patthar ke ho gaye..!!

--