Suno!!!

Suno!!

Jab sham ki dhank gum hojaye
jab raat ki siyahi phel jaye
mujhe apna saath dena
jab koi mujeh na bhaye
koi pal kahin raas na aye

Suno!!
Tum mere pass hona
tum mera ehsas hona
jab dhoop khiley
aur phool mehkein
jab aankhein khwab sajayien
aur phr choonk ke khul jayien

Suno!!
Mere khawabon ke sathy hona
meri khwiashon ke ameen hona
jab koi tarey chamkien
ya baarish barsey

Suno!!
Dhanak ke rang sang sajana
maine chahi hai khushi
tum meri un duaon ke sath rehna

Great shayeri

 

Mohabbat Chup Nahi Raheti…

 

Wo Boli, Dil Ko Koi Beyaqeeni Hai Muhabbat Me
Mai Bola, Thik Hai Per Ishq To Imaan Hota Hai

Wo Boli, Arzoain Dil Ke Andar Bain Karti Hai
Mai Bola, Thik Hai Mujh Ko Sunayi Deti Rahete Hain

Wo Boli, Hum To Jaise Ek Musalsal Dukh Ke Qaidi Hain
Mai Bola, Thik Hai Ye Zindagi Dukh Ka Tasalsul Hai

Wo Boli, Koi Shab To Khwab Me Bhi Khwab Aate Hain
Mai Bola, Thik Hai Kuch Hasraten Aisa Bhi Karti Hain

Wo Boli, Barishon Me Aur Ziyada Jaan Sulagti Hai
Mai Bola, Thik Hai Ye Aag Pani Ke Masael Hain

Wo Boli, Raat Kion Mushkil Se Kat-ti Hai Judai Me
Mai Bola, Waqt To Kaifiyaton Ka Naam Hota Hai

Wo Boli, Chahaton Me Dard Ke Rehne Ki Khwahish Kion
Mai Bola, Dard Ke Mare Huwon Ko Chain Milta Hai

Wo Boli, Rooh Ki Aasoodgi Ko Kiya Zaroori Hai
Mai Bola Rooh Ko Aaloodgi Achchi Nahi Lagti

Wo Boli, Chand Ki Aur Chandni Ki Kiya Kahani Hai
Mai Bola, Aadam O Hawwa Ki Chahat Ki Nishani Hai…

Poet : Fahat Abbas Shah

--