ARMAN !
Jo Phoot Parry Chashmy To Dabaye Nahi Jaty
Aansu Bhi Chhupany Se Chhupaye Nahi Jaty,
Chehry Se He Andaza Hua Karta Hai Dil Ka
Warna To Kabhi Daag Dikhaye Nahi Jaty,
Tu Aa K Mere Dil Mein Jo Thhehry Bhi To Kese
Sehraon Mein To Shehr Basaye Nahi Jaty,
Tu Ne Bhi Kisi Aor Ko Rakha Hai Nazar Mein
Ham Se Bhi Tere Naz Uthaye Nahi Jaty,
Khushbu Rachi Ho Jis Mein Tere Mehr-O-Wafa Ki
Woh Qissy To Auron Ko Sunaye Nahi Jaty,
Saoda Ye ishq Ka Hai Meri Jaan K Dushman
ARMAN Lutaye Jaty Hain" Bachaye Nahi Jaty !
--
