برسات بھی ہوسکتی تھی

---

دھھوپ کے روپ میں برسات بھی ہوسکتی تھی
صبح کے دھوکے میں سیاہ رات بھی ہوسکتی تھی

کسی شکوے کو ہی بنیاد بنا کر آتے
اس بہانے سے ملاقات بھی ہوسکتی تھی

خار بھیجے ہیں مجھے اس نے ، تو حیرت سی ہوئی
کوئی چاہت بھری سوغات بھی ہوسکتی تھی

بے نیازی کی نظر سے مجھے تکنے والے
آپ کی نظر ِعنایات بھی ہوسکتی تھی

جلد بازی میں بھی تم جیت کے آئے ہو مگر
اس طرح سے تو تمہیں مات بھی ہوسکتی تھی

بے خطر ریشمی باتوں میں الجھنے والے
یہ محبت میں چھپی گھات بھی ہوسکتی تھی

شب سے وابسطہ میری ذات کو کرنے والے
مجھ سے وابسطہ تیری ذات بھی ہوسکتی تھی

--

آج تک میرے ساتھ ہے

 

جو نہ مل سکے وہی بے وفا،یہ بڑی عجیب سی بات ہے جو چلا گیا مجھے چھوڑ کر ،وہی آج تک میرے ساتھ ہے   جو کسی نظر سے عطا ہوئی ،وہی روشنی ہے خیال میں وہ نہ آ سکے رہوں منتظر ، یہ خلش کہاں تھی وصال میں میری جستجو کو خبر نہیں ،نہ وہ دن رہے ،نہ وہ رات ہے جو چلا گیا مجھے چھوڑ کر، وہی آج تک میرے ساتھ ہے   کرے پیار لب پہ گِلہ نہ ہو ،یہ کِسی کِسی کا نصیب ہے یہ کرم ہے اُس کا جفا نہیں ،وہ جُدا بھی رہ کے قریب ہے وہی آنکھ ہے میرے روبرو ، اُسی ہاتھ میں میرا ہاتھ ہے جو چلا گیا مجھے چھوڑ کر،وہی آج تک میرے ساتھ ہے   میرا نام تک جو نہ لے سکا،جو مجھے قرار نہ دے سکا جِسے اختیار تو تھا مگر، مجھے اپنا پیار نہ دے سکا وہی شخص میری تلاش ہے،وہی درد میری حیات ہے جو چلا گیا مجھے چھوڑ کر ،وہی آج تک میرے ساتھ ہے

--

کیا اہلِ ہنر، کیا اہلِ شرف سب ٹکڑے ردی کاغذکے

کچھ راہِ عشق کی مستی تھی ، کچھ لوگ تھے ہم دیوانے سے
جب شہر تیرا چھوڑ دیا تو دل خوب لگا ویرانے سے

جو جان سے بھی پیارے تھے وہ لوگ نظر سے دور ہویے
اک تیس سی اٹھتی ہے اب یادوں کو دہرانے سے

اے موت تو ٹہر زرا آخر میں ان کو دیکھ تو لوں
بات فقط اک پل کی ہے ، انکار نہیں میرا جانے سے