Dard kaisa Bhi ho Aankh Nam na karo

 

Dard kaisa Bhi ho Aankh Nam na karo Raat kaali hi sahi koi Gham na karo ik Sitara Bano Jagmagatay Raho Zindagii Mein Sada Muskaratay Raho Baant'ni Hai Agar Baant Lo Har khushi Gham na Zahir karo Tum kisi Per kabhi Dil ki Gehraai Mein Gham Chupatay Raho Zindagii Mein Sada Muskaratay Raho Ashk Anmool Hein kho Na Dena kahin in ki Har Boond Hai Motiyoon Se Haseen in ko Har Ankh se Tum Churatay Raho Zindagii Mein Sada Muskaratay Raho Faaslay kam karo Dil Milatay Raho Zindagii Mein Sada Muskaratay Raho

Rona Aaya

Rona Aaya

 

Aye mohabbat tere anjaam pe rona aaya,
Jaane kyun aaj tere naam pe rona aaya..

Yun to har shaam ummeedon me guzar jaati thi,
Aaj kuch baat hai, jo shaam pe rona aaya..

Kabhi taqdir ka maatam, kabhi duniya ka gila,
Manzil-e-ishq me har gaam pe rona aaya...

Jab hua zikr zamaane me mohabbat ka
Mujhko apne dil-e-bekaam pe rona aaya.....

--
.

Majburi k mousam main bhi jina parta hay

Majburi  k mousam main bhi jina parta hay
Thora sa samjhota janam karna parta hay

 Kabhi kabhi is had tak bhar jati hay lachari
Lagta hay yeh jewan jasey bojh ho koy bhari
Dil kehta hay royein lekin hansna parta hay
 

Kabhi kabhi itni dhundhali ho jati hain tasverain
Pata naheen chalta qadmon main kitni hain zangirain
Paoun bandhy hoty hain phir bhi chalna parta hay

 Ruth k jane wala badal tuutne wala tara
Kis ko khabar in lamhon main ban jaye koun sahara
Dunya jasi bhi ho rishta rakhna parta hay!!!

--
.