Waqt Nahi

' WAQT NAHI '

Har khushi Hai Logon Ke Daman Mein,
Par Ek Hansi Ke Liye Waqt Nahi.
Din Raat Daudti Duniya Mein,
Zindagi Ke Liye Hi Waqt Nahi.

Maa Ki Loree Ka Ehsaas To Hai,
Par Maa Ko Maa Kehne Ka Waqt Nahi.
Saare Rishton Ko To Hum Maar Chuke,
Ab Unhe Dafnane Ka Bhi Waqt Nahi.

Saare Naam Mobile Mein Hain,
Par Dosti Ke Lye Waqt Nahi.
Gairon Ki Kya Baat Karen,
Jab Apno Ke Liye Hi Waqt Nahi.

Aankhon Me Hai Neend Badee,
Par Sone Ka Waqt Nahi.
Dil Hai Ghamon Se Bhara Hua,
Par Rone Ka Bhi Waqt Nahi.

Paison ki Daud Me Aise Daude,
Ki Thakne ka Bhi Waqt Nahi.
Paraye Ehsason Ki Kya Kadr Karein,
Jab Apane Sapno Ke Liye Hi Waqt Nahi.

Tu Hi Bata E Zindagi,
Iss Zindagi Ka Kya Hoga,
Ki Har Pal Marne Walon Ko,
Jeene Ke Liye Bhi Waqt Nahi.......


--

Ghazal

Safar main dhoop

SAFAR MAIN DHOOP

SAFAR MAIN DHOOP TOH HOGI JO CHAL SAKO TOH CHALO

SABHI HAN BHEER MAIN TUM BHI NIKAL SAKO TOH CHALO

KISI KE WAASTE RAHAIN KAHAN BADALTI HAI

TUM APNAY AAP KO KHUD HE BADAL SAKO TO CHALO

YAHAN KISI KO KOI RAASTA NAHI DETA

MUJHAY GIRA KE AGAR TUM SAMBHAL SAKO TO CHALO

SAFAR MAIN DHOOP TO HOGI.......................................

YEHI HAI ZINDAGI KUCH KHAWAB CHAND UMEEDAIN

INHI KHILONON SAY TUM BHI BEHAL SAKO TO CHALO

SAFAR MAIN DHOOP TOH HOGI JO CHAL SAKO TO CHALO

SABHI HAN BHEER MAIN TUM BHI NIKAL SAKO TOH CHALO

---

usay kehna

ae chand......!

 

usay kehna wo jo door bahut door basta hai,

usay koi yaad karta hai be-hissab karta hai,

 

                     usay kehna.....

 

jab wo kisi ke sang hansta hai,

to phir door bahut door kisi ka dil dharkta hai,

 

                   usay kehna....

 

jab wo udas hota hai pas uske koi gham hota hai,

to phir door bahut door kisi ki aankhon se lahoo barsta hai,

 

                   ae chand....... ..! usay kehna....

 

jise wo chor aaya tha jise wo tor aaya tha,

wo aaj bhi tere aas pas basta hai.......

 

UMEED

Kisi ki yad dil mein hai koi ehsas baqi hai
Badlte mosmon k darmiyan ik raz baqi hai

Abhi to main safar me hoon milengi manzilen mujh ko
Mgr in raston k darmiyan ak sath baqi hai

Kahin par sham dhalti hai kahin par rat hoti hai
Abhi to chandni hai chand ki rat baqi hai

Chale aao kisi din tum hamara hal bhi dekho
Hamara jism murda hai mgr ik sans baqi hai

Umeed hai phir milega wo hamen 1din
Khuda par hai bhrosa abhi Khuda ki zaat baqi hai.

Mohabbat ka

Kis Kadar Anokha Hai Zaabta Mohabbat Ka,

Kab Na Janay Ho Jay Maujza Mohabbat Ka,

Apni Zaat Say Bhale Woh Ajnabi Sa Lagta Hai,

Jis Ke Sath Ho Jay Haadsa Mohabbat Ka,

Woh Chala He Jata Hai Jisnay Jana Hota Hai,

Lakh Do Chahay Usko Waasta Mohabbat Ka,

Zindagi Ko Jeenay Ka Aasra Nahi Rehta,

Jab Kisi Se Chinn Jai Hosla Mohabbat Ka,

Doston Se Agar Tumhain Mohabbat Hai,

Doston Ko Mat Dena Mashwara Mohabbat Ka.