Guftugu achi lagi zauq-e-nazar acha laga
Muddaton ke baad koi humsafar acha laga
Dil ka dukh janaa to dil ka masla hai per humein
Uss ka hans dena hamare haal per acha laga
Har tarah ki besar-o-samanion ke bawajood
Aaj woh aya to mujhko apna ghar acha laga
Baaghbaan gulcheen ko chahe jo kahey humko to phool
Shaakh se barh ker kaf-e-dildaar per acha laga
Kon maqtal mein na pohancha kon zalim tha jisey
Tegh-e-qatil se ziada apna sar acha laga
Hum bhi qaayel hain wafa mein ustuwaari ke magar
Koi poochey kon kisko umr bhar acha laga
Apni apni chahatein hain log ab jo bhi kahen
Ik pari paikar ko ik aashufta sar acha laga
'Meer' ki maanind aksar zeest karta tha 'Faraz'
Tha to woh dewana sa shaayer magar acha laga
Ahmed Faraz.
No comments:
Post a Comment