Zamin Pe Chal Na Sakaa Asmaan Se Bhi Gaya
Kata Ke Par Ko Parinda Uraan Se Bhi Gaya
Tabaah Kar Gayi Pakkey Makaan Ki Khuwahish
Mein Apney Gaon Key kachey Makaan Se Bhi Gaya
Paraai Aag Mein Khud Ko Jala Ke kya Mila TujhKo
Usey Bacha Na Saka Apni Jaan Se Bhi Gaya
Bhulana Chaaha To Bhulaney Ki inteha KarDi
Wo Shakhs Ab Merey Wehm-o-Guman Se Bhi Gaya
Kisi Key Hath Ka Niklaa Huwa Wo Teer Hoon Mein
Hadaf Ko chu Na Saka Aur kamaan Se Bhi Gaya
--
PR: 
LD: 
I: 
Rank: 
C: 
No comments:
Post a Comment